తెలుగు వైభవ కీర్తి పతాక - 31-10-2008

దేశ - విదేశములతో గూడి,

 తెలుగు భాషించే 15 కోట్లకు పైబడిన

తెలుగు ప్రజానీకానికి -

 వీనుల విందైన శుభవార్తగా

మనసుకు పసందైన తీపికబురుగా -  

ఈ సువిశాల భారతావనిలో -

 రెండవ అతి పెద్ద అధికార భాషగా -

 భారత ప్రభుత్వంచేగుర్తింపబడి -

 ప్రాచీన హోదా కల్పింపబడిన -

 మన తెనుగు భాష -

 ఆంధ్ర కళామతల్లి గళాన్నలంకరించిన -

 నవరత్నఖచిత సువర్ణ కంఠాభరణమై -

 ధగధ్దగాయమానంగా -

 జగజ్జేగీయమానంగా -

 శత సహస్రాధిక కాంతి పుంజాలతో -

వెలుగు తేజాలతో అలరారగా -

 తెలుగు జాతి వైభవానికి -

 శాశ్వత చిహ్నంగా -

 విజయోత్సాహ కీర్తి ప్రభల ప్రాభవ పతాకాలెగురవేస్తూ -

 తెలుగు పండుగ జరుపుకుందాం.

 తెలుగుకు  సాటి తెలుగేగా -

 తెలుగుకు పోటీ తెలుగేగా -

వరంగా - అదృష్టంగా - భాగ్యంగా  - గర్వంగా - తలెత్తుకుందాం.

 సగర్వంగా తలకెక్కించుకుందాం.

తేనెలొలుకు తెలుగునేమధురంగా మాట్లాడుకుందాం. 

 తెలుగు ప్రపంచంలో హుందాగా జీవిద్దాం.